ट्रकको ठक्करले साइकल यात्रीको मृत्यु

भाद्र २८, २०७२- पूर्व पश्चिम राजमार्ग अन्र्तगत सर्लाहीको नवलपुरमा ट्रकको ठक्करबाट सोमबार बिहान एक साइकल यात्रीको मृत्यु भएको छ । 

पूर्वबाट पश्चिम तर्फ जाँदै गरेको ना ५ ख १९२५ नम्बरको ट्रकले पछाडीबाट ठक्कर दिँदा साइकलमा नवलपुर तर्फ जाँदै गरेका लालबन्दी नगरपालिका–४ का ४५ वर्षीय महेश कटुवालको घट्नास्थलमै मृत्यु भएको थियो ।

ठक्करबाट कटुवालका १४ वर्षीय छोरा कुवेर कटुवाल गम्भिर घाइते भएका छन् । गम्भिर घाइते कटुवाललाई उपचारका लागि काठमाडौं पठाइएको छ । बाबु छोरा दुईवटा साइकलमा बन्दका कारण नवलपुर रोकिएका आफन्तलाई लिन जाँदै गर्दा दुर्घटना भएको प्रहरीले जनायो ।

ट्रकका चालक र सहयोगी घट्ना लगत्तै फरार रहेका छन् । ट्रकको लापरवाहीले दुर्घटना भएको प्रहरी निरीक्षक बावुकाजी खड्काले बताए ।

credit : ekantipur